'O paese mio (di Biagio Merlino)

di Biagio Merlino

'O paese mio

Dint' 'o paese mio,

stà n'ombra scura,

ca nott' 'e ghiuorne

nun se fa vedè!

Accatta e venne 

sulo c' 'a paura,

e 'e tutt' 'o rieste,

nun ne vo sapè!

E trase dint' 'e viche

e tutt' 'e ccase,

e quanne vene

nun se po parlà:

e si nun vuò capì,

le vene a naso,

e nun ce stanno

sante 'pe prià!

Chistu paese mio

l'hanno vennuto,

'pe quatte sorde

e tanta n'famità;

e mo ca tutt' 'e stelle

so cadute;

rimmane 'o chianto

e chi vo faticà!

O sole è vivo

e nun s'arrenne maje

chianto surgivo

frutto tu darraje

vasule 'nterra

'o ffuoco sta durmenne

abbrucia e scanna

'e nfamità sutterra

Il mio paese

Dentro il mio paese,

c'è un'ombra scura,

che notte e giorno

non si fa vedere!

Compra e vende

solo con la paura,

e di tutto il resto,

non ne vuole sapere!

Entra in tutti i vicoli

e in tutte le case,

e quando viene

non si può parlare:

e se non vuoi capire,

gli viene al naso,(Alle orecchie)

e non ci sono 

santi per pregare!

Questo paese mio

lo hanno venduto,

per quattro soldi

e tanta infamità:

e adesso che tutte

le stelle sono cadute;

rimane il pianto

di chi vuole lavorare!

Ma il sole è vivo,

non s'arrende mai.

Pianto sorgivo,

frutti tu darai

piantali in terra

il fuoco sta dormendo,

brucia e scanna

e infamità sotterra!